Durante
os pasados días continuamos participando activamente no proxecto do
“Monte nace na Escola”. Implicación de alumnado, profes, voluntariado,
Concello…, todo un movemento de persoas que conscientemente asumen e se
compromenten a crear un futuro mellor a nivel ambiental. A natureza sae
favorecida e, con ela, o beneficio é colectivo, para o ser humano. Esta
iniciativa, como xa sabemos, é ilusionante e moi positiva desde todos os
puntos de vista, non só ecolóxico, senón tamén social e mesmo persoal. A
idea é garantir un porvir máis saudábel para todas e todos. Un
ecosistema máis san. Para isto contribuímos dende as nosas
posibilidades, ben replantando castiñeiros no noso monte ou camelias na
entrada do Instituto (en xaneiro e febrero), ben participando na gran
plantación que fixemos no Monte de Setados.
No hay comentarios:
Publicar un comentario